الخميس، يوليو 19، 2007

How Addicted to Blogging Are You?أنا مدمن؟؟ و انت كمان؟

85%How Addicted to Blogging Are You?
ادخل هنا و قيس درجة ادمانك للتدوين


تحذير: اللى وقته مهم عنده و مش فاضى زى اللى كاتب الكلام اللى تحت ميقراش و يروح على مدونته اصله فاضى و بيحب يهزر - حد عنده مانع؟؟



انا طلعت مدمن تدوين يا جماعه
و كمان بنسبة 85% اقل من مجموع الثانوية العامة بتاعى بشوية
و العلاج ميؤس منه اصل انا مش ناوى ابطل حتى لو اتقبض عليا و اترميت فى معتقل
ساعتها هفضل اهرّش و اقول للظابط ابوس ايدك يا حضرة الظابط مش قادر لازم اكتب بوست
او افتح اى بلوج من بتوع العيال المدونين
مش قادر الحقونىىىىىى
مشكلة لحسن الحكومة تستخدم الطريقة دى فى التعذيب - فعلا مشكلة ربنا يستر
و بخصوص العلاج هو سهل بس على اساس رغبة المريض و بيتم تقليل جرعة المدونات بصورة دوريه
و التقليل من نسبة الجلوس على النت
كل و احد يخلى باله و اللى لسه جديد فى الموضوع وداخل السكه دى برجليه يبعد بسرعه عن اصدقاء السوء ( المدونين) و يصلى كتيير
علشان السبب فى الاساسى فى المشكلة هما المدونين
انا اصلى بدايتى كانت كده اصل مالك الله يجازيه هوه اللى زقنى على الموضوع اصلى كنت متردد
المهم لازم نلحق الشباب علشان انا حاسس ان الموضوع بيزيد و وسائل الحكومة فى المنع مش جايبة نتيجه
يعنى اعتقلوا مدونين كتير و حبسوا كريم ربنا يفك سجنة وبرضه مش نافع لازم يعملوا حلمة قومية للحد من الظاهره دى لاحسن تنتشر و الناس الكبار هما اللى هيروحوا فى الرجلين و مصر تتقدم و تتطور و ده فى حد ذاته مشكلة
ايه ده؟؟

ايه الكلام اللى انا عمّال اقوله ده؟؟ يلا منك له كل واحد على مدونته يكتبله بوست جديد و يرد على التعليقات يلا منك له
خلاص اتفضت هيا شغلانه و اللى معندوش بلوج يروح يعمل بلوج قبل مالاسعار تغلى و بعد كده محدش هيعرف يعمل حاجه
نعم يا خويا متعرفش؟؟-اه اصل انا صحابى مبيعرفوش برضه- يا ظريف ياللى بتضحك مبيعرفوش يعملوا مدونات و يدونوا- انا بعلمهم بالعافيه
انا بلا فخر المبشّر الاول بالتدوين بين صحابى و معارفى
اللى ميعرفش فى ناس كتّر خيرهم عاملين مدونات و فديوهات لمحو امية التدوين
المفروض تبقى حملة قومية و كل اللى يعلم 74 شخص التدوين ياخد رحلة لقضاء يوم فى احد المنتجعات السياحيه مع الراجل الكبير اوى
و كمان ياخد على الراس باكو شيكولاته جالاكسى و اللى مبيحبوش الشيكولاته يخدوا بسكوت لوكس و باكو شاى ليبتون علشان يعمل فتت قطط
انا حاطط لينكات تحت للى عايز يعمل مدونة و يخش السوق
يعنى محدش له حجه
تصبحوا على خير - زى هيكل
انزل بالتترات

هوامش على حفل تخرّج كلية الشرطة

هوامش على حفل تخرّج كلية الشرطة












النهارده كان حفلة تخرج كلية الشرطة او زى ما بيسميها الراجل الكبير اكاديمية مبارك للامن اصل كل واحد مش عارف جاى منين ( انا قصدى من ورا الجاموسه) يجى للرئاسة يقلبها ملكية و يقعد يسمى كل حاجه على اسمه مش عارف مدينة ايه و اكاديمة و محطة ايه و نادى ابن اخت مين

حاجة غريبة ما هو لمّا يمشى هيجى اللى بعدية و يغير الاسماء دى كلها لاسم تانى و احنا ولا هنا

الصراحه العرض كان حلو وخصوصا ماتش الكرة بتاع الكلاب بس الحكم طرد الكلب رقم 6 ظلم (مش فاكر كان اسمه ايه ركس باين بس هوه لعيب بجح مكنش راضى يطلع) المفروض كانوا يجيبوا حكم من بره اصله الكلاب كان لبسهم ابيض و احمر طبعا وه اسقاط لناديين كبار فى مصر يعنى كان ماتش قمة (بس المرة دى اتحاد الكورة مسرقش التذاكر)

انا كنت فرحان انه تم تخريخ دفعة جديدة من المغتصبين و المعذبين الحمد لله الخير مش هينقطع عن البلد

واحد بيقولى دلوقتى يا عم دى حالات فردية و حالات استثنائية هقولة انا فرحان بتخرج حالات فردية من المعذبين و المغتصبين و الظباط المعوجين على الشعب المسكين

طبعا التدريبات كانت على مستوى عالى و ده يحسسك ان البلد عايشة فى امن رهيب لدرجة ان الناس بتنام و تسيب ببان الشقق مفتوحة ما هو طبعا ظابط الشرطه بيقوم بواجبة و يطارد المجرمين و لا بيروج للمخدرات و لا بيسيب الحرامية و يطارد فى المدونين و المتظاهرين و خيرة شباب البلد ولا يبعمل اى حاجة من شانها بهدلة المواطنين

و كان فى عرض الكلاب بتاع الاطفاء و كانت الكلاب بتطفى الحرايق( رفاهيه اصل احنا و صلنا لمرحلة ان البشر زهقوا و خلوا الكلاب تقوم بالمهمة) طبعا احنا عارفين مستوى الاطفاء فى مصر يعنى مش محتاجين نتفرج على عرض سيرك للكلاب فى حفلة تخرج كلية الشرطة علشان نعرف انا حال الاطفاء و الاسعاف فى مصر تحت الصفر

انا مرة و انا مروح من الكلية شفت حريقة على البحر كانت فى الدور الخامس بعتو عربية مطافى بعد ربع ساعة بسلم لدورين بس و بعد كده اتصلوا بعد كدة بالمحافظ علشان يبعتلهم عربية بسلم 5 ادوار

و مرة شفت اتوبيس بيولع على بعد حوالى 500 متر من نقطة الشرطة و الاطفاء المطافى و صلت بعد نص ساعه و طلعت العربية فاضية مفيهاش مية

و اللهى هو ده اللى بيحصل لية المنظرة بقى فى عروض التخرج؟؟

انا عارف ان عروض السيرك دى خصوصا فى كلية الشرطة حركات مش بجد

انا عن نفسى مش بحترم ظباط الشرطة الا قليل لمّا بيعملوا حاجة عدلة يعنى يقبضوا على تاجر مخدرات او قاتل

بس طبعا انا بقرف من الممارسات الشاذة للظباط دول زى التعذيب و الاعتقال و بتضايق من اللى يقولى دى اوامر مقدرش منفذهاش ساعتها بحس انه كلب مجرد كلب

طبعا الراجل الكبير هو و كلا... قصدى هو و الجماعة بتوعه كانوا قاعدين مبسوطين على الاخر و بصفقوا و اخر انسجام مع انّى شفته فى عروض تانية كان قاعد قرفان و ولا فى دماغه

ده يمكن علشان هو عارف ان الكلا.. يييى قصدى الطلبة دى هية اللى هتحميه بعد كده بس هتحمية من ايه

ده لو جاب قرود من السنغال محدش هيحميه اصل فى لحظة الشعب الغلبان ده مش هيسكت و لا انا شكلى بحلم

شكلة هيفضل ساكت

طبعا الاهالى كانوا فخورين بولادهم و زغاريد و تصفيق اصل و لادهم دول هيبهدلوا فى الشعب كمان كام سنة

طبعا كل الكلام اللى انا بقوله ده ميقلقش من مستوى الكلية ولا من مستوى الطلبة اللى بحترموا نفسهم

و لا الاهالى الغلابة اللى نفسهم يفروحوا بولادهم

عادى انا ليا و احد صاحبى فى كلية الشرطة لمّا بينزل اجازة مش بيعضنى اصلة بنى ادم عادى بس المشكلة انه عايز يدخل امن مركزى وساعتها ممكن اقابله بعد كام سنة فى عبد الخالق ثروت و ساعتها مش هيعضنى لاْ ده هيفتح دماغ اهلى

و طبعا فى الاخر قام حيبب العاد لى بخطاب كله نفاق و رياء و كان معظم الناس دى عارفين كده لانهم كانوا باصيين فى الارض و شكلهم حافظين كلام الانشا الفارغ اللى بيصدعونا بيه دايما

يالا حصل خير بقى عقبال حفلة تخرج كلية الاداب

سلام

الأحد، يوليو 15، 2007

تواصل مع كريم

تواصل مع كريم

نود أن نعلن عن تدشين حملة مراسلة جديدة لكريم حيث سيحصل مؤيديه على فرصة التواصل معه مباشرة، لقد تلقى البعض منكم بالفعل ردود محملة بالشكر من كريم، و هذا أمر عظيم! و لكن حان الوقت لنتأكد من أن كريم مازال يشغل مكانا في عقول الناس، فقد استوضحنا من رسالته الأخيرة أنه بحاجة إلى التواصل، لاسيما مع مؤيديه من جميع أنحاء العالم. فأنتم على قدر كبير من الأهمية بالنسبة لكريم، و أنتم الوحيدون القادرون حقا على مساعدته، و لهذا عليكم استغلال الفرصة و إحداث فارق أكبر في حياته، من خلال التعرف عليه عن قرب و إخباره بمن يقف خلفه و يؤيده!

و إليكم الطريقة التي ننوي تسيير الحملة وفقا لها:

في يوم 15 من كل شهر، سوف نتحد جميعا في العالم بأسره على كتابة خطابات تأييد لكريم. حيث يمكنكم القيام بذلك بإحدى طريقتين:

- لمن يعانون ضيق الوقت، يمكنكم فقط الاتصال بنا و ترك أسمائكم بالكامل، و رسائل إلى كريم، و عناوينكم. و سوف نتولى نحن مسئولية إرسال خطاباتكم إليه. نرجو مراعاة أن تكون الرسالة طويلة بما يكفي لخطاب – الرسالة النموذجية لا تقل عن 5-7 جمل.

- أرسل رسالة إلى كريم بنفسك على هذا العنوان.

الخيار الأخير يزيد من احتمالات رد كريم عليك مباشرة و بشكل شخصي. و القرار في النهاية قرارك.

قد تسأل نفسك "ما الذي يدعوني لتكلف عناء القيام بذلك؟" الإجابة هي أنك ستبعث في كريم الإحساس بالأمان و العناية و الحب. فهو، قبل كل شيء، شاب برئ كل جريمته هي شجاعته في التعبير عن رأيه، و هو يستحق بقدر ما يحتاج إلى دعمنا. خذ من وقتك دقائق، أكتب رسالة طويلة كانت أم قصيرة! فقط دفعة مؤيدة لتشجيعه على الصمود و المواصلة بنفس القوة.

لمساعدتنا على تبليغ كلمتنا بشأن حملة الخطابات إلى كريم، أكتب بوست للإعلان عن الحملة و التذكير بها في يوم 15 من كل شهر، و سنبدأ من 15 يوليو/تموز الجاري. يمكنك إضافة نسخة من خطابك إلى كريم ليطلع عليها قرائك لعلهم يستلهمون منه ما يحفزهم على الكتابة إلى كريم أيضا.

أحصل على كود الحملة من هنا لأجل مدونتك!

أسئلة متكررة بشأن الخطابات:

س: ما هي اللغة التي أستخدمها؟

ج: الإنجليزية و العربية. حيث أن كريم يفهم و يكتب كليهما، إنجليزيته ليست ممتازة لكن يمكنكم فهمها بسهولة.

س: لقد أرسلت خطابا إلى كريم لكنه لم يرد، فلماذا؟

ج: لا يمكننا قط التأكد من وصول الخطابات إلى يد كريم. فأحيانا يتأكد لنا ذلك عندما يرسل لنا بخطاب، و أحيانا أخرى لا يرسل أي شيء، و أحيانا أخرى لا يتمكن هو من الإرسال. فليس من السهل على أي سجين التواصل مع الآخرين في العالم الخارجي، خاصة الأجانب منهم. و لكن تبقى مسألة مراسلته أمرا مهما و يستحق المحاولة، و لمصلحته نرجوكم عدم التوقف عن التواصل معه.

س: ما هو عنوان كريم؟

ج: العنوان موجود هنا و موجود أيضا على صفحة "Write to Kareem!" ملحوظة: إن كنتم قد حفظتم الصفحة القديمة التي تحتوى العنوان، فعليكم العلم بأنه تم تغييرها. أعد النظر و تأكد من أنك ترسل إلى العنوان الصحيح المنشور حديثا.

نشكر بشدة كل من هب لعمل ذلك! فأنتم قد لا تتصورون حجم المساعدة التي تقدمونها إلى كريم.

يمكنكم البدء من الآن! أحصل على البانر .. أكتب خطاب .. بلغ الآخرين .. ساعد كريم .. ساعد حرية التعبير!

الأحد، يوليو 01، 2007

مظاهرة جديدة فى الاسكندرية لعمال شركة ترسانة الاسكندرية

مظاهرة لعمال ترسانة الاسكندرية

قررت اليوم 1-7-2007 الذهاب الى شارع النبى دانييال المتفرع من شارع فؤاد لابتاع بعض الكتب بسعر ابخس من المكتبات
و فى اثناء عودتى فى حوالى الساعة الحادية عشر سمعت صوت هتافات فاعتقدت انها مظاهره و بالفعل عندما ذهبت لاستطلاع ما يجرى فاذا بمجموعه من العمال يتظاهرون للمطالبة بحقوقهم المسلوبة كعادة العمال فى مصرو المشكلة ان الشركةترفض تطبيق حكم الاستئناف و صرف بدل طبيعة العمل و قد تجمع العمال امام مقر الشركه القابضه للمطالبه بحقوقهم











مقر المظاهره امام الشركه القابضة










































رفع العمال لافتات للمطالبة بحقوقهم













قام احد العمال بتوزيع اوراق على المارة و هى صورة من العدد1022 بتاريخ 2-4-2007 من جريدة المصرى اليوم

و هذا هو نص الخبر

٣٦٠٠ عامل في «ترسانة الإسكندرية» يطالبون الرئيس بالتدخل لصرف مستحقاتهم

كتب هدي الساعاتي ٢/٤/٢٠٠٧

طالب نحو ٣٦٠٠ من عمال شركة ترسانة الإسكندرية «معاش مبكر» بتدخل الرئيس مبارك، لصرف باقي مستحقاتهم لدي الشركة، وهي فروقات بدل طبيعة العمل.

ورفع العمال مطالبهم إلي الرئيس مبارك في شكوي قالوا فيها، إن من حقهم الحصول علي العلاوة التي نصت عليها القوانين مع عدم اعتبارها جزءاً من المرتب الأساسي، مشيرين إلي تجاهل رئيس مجلس إدارة شركة ترسانة الإسكندرية الحكم الصادر من محكمة استئناف الإسكندرية رقم ٣ لسنة ٢٠٠١، الدائرة الأولي عمال، بأحقية هؤلاء العمال في احتساب المقابل النقدي لبدل طبيعة العمل الخاص بهم منسوبا إلي أجورهم الأساسية، بعد زيادتها بالعلاوات المضمومة اعتبارا من ١٩٩٢/٧/١ .

وأضافت الشكوي، أن محكمة استئناف الإسكندرية رفضت كذلك في ٢٠٠٤/١١/١ دعوي الاستشكال المقدمة من الشركة لوقف تنفيذ الحكم، كما بادر نعمان محمد فليفل رئيس اللجنة النقابية للعاملين في ترسانة الإسكندرية برفع دعوي لتنفيذ الحكم وتعويض العمال عما أصابهم من أضرار، وحددت لها جلسة بتاريخ ٢٠٠٥/٢/٨ في الدائرة ٤٢، إلا أن رئيس النقابة تقدم بطلب إلي رئيس مجلس الإدارة لعقد جلسة ودية تجمعهما، في نفس يوم نظر الدعوي، وقررا فيها الموافقة علي صرف الفروقات الخاصة ببدل طبيعة العمل، دون العلاوات المضمومة، وتم تنازل رئيس اللجنة النقابية عن دعوي التعويض.

وقالت الشكوي: إنه تم تشكيل لجنة أخري بمقر الشركة القابضة للنقل البحري والبري قررت بإجماع أعضائها أحقية العمال السابقين في صرف فروقات بدل طبيعة العمل علي أساس القواعد التي تم الصرف بناء عليها للعاملين الموجودين بالخدمة، مؤكدة أن اللجنة بذلك خالفت ما أوصت به لجنة القوي العاملة في مجلس الشعب، بصرف مستحقات العمال الخاصة ببدل طبيعة العمل خلال ١٥ يوماً، وذلك تحت إشراف لجنة القوي العاملة في الإسكندرية، بناء علي البيانين العاجلين المقدمين من النائبين البرلمانيين حمدي حسن وفتحي عبداللطيف بتاريخ ٢٠٠٥/٢/٨ .

وأشارت الشكوي إلي صرف الشركة عشر المبلغ الأصلي للعاملين السابقين لحين الفصل في الطعنين، رغم نص قانون التحكيم رقم ٢٧ لسنة ٩٤ الصادر من رئاسة الجمهورية في المادة ٥٢، بعدم قبول الطعن علي أحكام التحكيم الصادرة طبقا لهذا القانون وكذلك عدم جواز التظلم من الأمر الصادر بتنفيذ حكم التحكيم.


فى الفترة الاخيرة تزايدت الاضرابات و الاعتصامات العمالية فى مصر للمطالبة بالحقوق المسلوبة فهل هذا مؤشر ايجابى يدل على الى انتشارالوعى التظاهرى- اذا كان يجوز لنا تسميته هكذا- بين الطبقة العمالية فى مصر

و هل تكون تلك المظاهرات و الاعتصامات بوادر لثورة عمالية فى مصر ام بعض الفتات كافيه باسكات افواه الكثيرين؟


هذا ما امكننى تصويره:














و لكن اثناء المظاهرة قد لاحظت ان العمال قد تعبوا بسرعة نظرا لسنهم المتقدمه فبعضهم جلس و ترك زملائه و البعض كان يحث زملائه على الهتاف و لكنهم لم يستجيبوا بسهولة

كانوا يهتفون بمراره و احباط و كأن هناك ما يثقل كاهلهم و يجعلهم عاجزون حتى على مجرّد الهتاف

و لكننى قد تعاطف معهم بدرجه كبيره نظرا لما شعرت به من مراره كبيره وشفقه تجاههم فهولاء العمال قد حُرموا من ابسط حقوقهم الماديه ليستطيعوا ان يكفلوا حياة كريمه لذويهم وشعرت حينها بأن صوتهم لابد ان يصل الى من يهمه الامر

تنوعت هتفاتهم من استعطاف للمسؤلين الكبار بداية من حسنى مبارك مرورا بأحمد نظيف الى عائشه عبد الهادى و لكن هل من مجيب؟ هؤلاء المسؤلين لا يهتمون بامر الشعب الجائع و لكنهم يهتموا لسرقة اموال هذا الشعب و لكن الى متى يصبر هذا الشعب المحروم على هؤلاء الظلمة

و هل نحن على اعتاب ثورة جديدة يُسحل فيها المسؤلين فى شوارع مصر؟ سؤال ليس هناك من يجيب عنه

فى النهاية انا حسيت انى لازم اكتب عنهم و انقل صورتهم للناس


منير 1-7-2007
الاسكندرية