الأربعاء، ديسمبر 26، 2007

last order


بداية البوست ملهاش علاقه بالصورة اللى على اليمين


يا جماعة اللاست اوردر الساعة واحدة !

أساسا إحنا خارجين حوالى الساعه 11 نرّوح الساعه1 ؟؟
لو إنت عايز تسهر فى مكان كويس ليه لازم يكون أخرك الساعه واحده؟
إسكندرية صعب تسهر فيها براحتك
طب هتروح فين؟ طب دى القهاوى البلدى بتفتح للفجر أصل مفيهاش لاست اوردر هو القهوجى قبل الفجر بشوية بيقولك شطبنّا
بس خلّى عندكو دم ده قبل الفجر يعنى لازم تفلقوا مش الساعه 1 يعنى أحلى وقت فى اليوم
ما علينا قضيها فى الشارع...











***
karama bar
- النهاردة قافلين
- ليه؟
- وقفة عرفات مفيش شُرب
***
إيليت
- إنتو هتطلبوا إيه؟ هارد ولا سوفت
- يعنى فيه و فيه ...
- لأ مفيش هارد النهاردة
***
إكتشفت حاجه غريبة...
هل تمارس الحكومة المصرية نوعاً من الرقابة الدينية على مواطنيها؟؟!!
يعنى محدش هيشرب فى المناسبات و الأعياد الدينية (الإسلامية)
أنا لست مع إباحة الخمور و البارت و تشجيع الناس على السُكر و لكنّنى ايضا ضد تقييد الحريات
و ان احدهم ياتى ليخبرنى إنه ممنوع الشرب هذا المساء و"كل سنة و إنت طيب"
إذا كانت التشريع المصرى يرى من الخمور شيئاً محرماً و ممنوعاً إذاً فليمنعها دائماً
لكننى لا أعلم لِما كُل هذا التخبط ان تحللها يوماً و تُحرمها يوماً آخر
أعزائى تِلك ليست أماكن عامة بل تِلك حانات و مطاعم ضللنا الطريق إليها فاين المشكلة؟!
إذا كانت الخمور مباحة بعض الوقت فإنها من الممكن ان تكون مباحة كل الوقت
أعلم بأن المسلمين الأغلبية بتلك البلد لكن نسبة ال20% المسيحيين و الديانات الاخرى أعتقد بأن لهم الحق بهذا المكان العجيب
الداخلية اللعينة تغتصب و تقتل و تعذّب و تنكّل بالناس أشد التنكيل ثم تقوم بتطبيق الشريعه الإسلامية فى المناسبات الدينية!!!..
و لكن فى النهاية اتقد ان من يهتم بالذهاب لشرب البيرة فى البارات لن يهت مبإنه فى رمضان أو شهر ذى الحجه أو وقفة عرفات و إذا إهتم ليست مشكلة و لكن إذا لم يهتم فما الداعى لأن نهتم من أجل منعه؟؟!!
و لماذا إذا يضيع جهد و وقت الداخلية للتأكد من تطبيق القانون بدلا من التركيز فى حفظ الأمن و النظام فى تلك المناسابات؟؟
حقيقة لاأعلم ما الحكمة فى هذا و من قرر و هل هذا قانون ام مجرّد إفتكاسه من الداخليه...
و بعدين يعنى هو حرام فى الوقفه و حلا فى باقى الايام؟؟؟
دى حاجه غريبة..
على
العموم عيد أضحى سعيد
و

Merry Christmas & Happy NewYear

***







هناك 3 تعليقات:

اجندا حمرا يقول...

صباح الفل ياجميل

عام سعيد ليك و لكل احبابك

متفقه معاك فعلا لو عايزين يمنعوا حاجه يمنعوها طول السنه مش اوقات معينه
و صدقني بتحصل في السر يبقي ليه مايخالوش الناس تكون واضحه و اللي عايز حاجه يعملها زي بلاد بره كده؟

موضوع مميز بحييك عليه و يارب السنه الجايه نشوف حاجات ايجابيه اكتر و بالنسبه لأمنياتي ليك تحقق كل اللي نفسك فيه و زياده ياجميل

اجندا حمرا يقول...

كل سنه و انت طيب ياجميل عام سعيد و ناجح و محقق فيه كل اللي بتتمناه

moneer يقول...

ميرسى يا جميل ربنا يخليكى
كل سنة و انتى طيبة و تكونى حققتى كل اللى اتمنتيه و كل السعادة تكون من نصيبك
انا فعلا متفق معاكى بس انتى عارفه بقى ظروف الحياة فى مصر
ميرسى بجد على اجمل كومنتات و صلتنى
تحياتى ليكى