الاثنين، سبتمبر 17، 2007

19

سمعت اخر نكتة عن رئيس دولتك؟ قصدى حسنى مبارك
لو كانت الاجابة لا
يبقى اسمع دى

بيقولك حسنى مبارك لما مات - يدينى و يديك طول العمر - طبعا اتحدف على جهنم طوالى
و هو بيترحل فى السكة
قابل ابليس و خده بالاحضان و حبيبى ازيك و ايه الاخبار
راح ابليس سأله انت حجزوك فى عنبر كام رد عليه حسنى و قاله 19
اتفجع ابليس و رد عليه و قاله:
يخرب بيتك ده ذات نفسى ابليس و حجزونى فى 17

ههههههههههه


طب اسمع بتاعت القرد بالمره

بيقولك حسنى مبارك مكانش لاقى حاجة يعملها فقال يتسلى شوية فجاب و احد من الشارع و قاله
بص انا هديك مليون جنية بس بشرط تخلى القرد اللى هناك ده يعيط
- حسنى عنده قرود كتيير
الراجل قاله بس كده سهلة اوى و راح للقرد ووشوشه فى ودنه
راح القرد معيط
حسنى استغرب و قاله طب هديك مليون تانية و تخليه يلطم على وشه

الراجل و وشوش القرد القرد قعد يلطم حسنى اتعجب و راح قايل للراجل كمان مليون ليك و تخلى القرد يموت نفسه
الراجل قاله بسيطه خالص و راح موشوش القرد راح القرد مطلع موس من بقه و قطع شراينه و مات القرد
حسنى مكنش مصدق نفسه قال للراجل تعالى هنا بقى و قول لى انت كنت بتقول ايه للقرد علشان يعمل كل ده؟
رد عليه الراجل و قاله

فى المره الاولى لما القرد عيط قلت للقرد انت حاكمنا من 26 سنة

و فى المرة التانية لما لطم على وشه قلتله ان انت هتحكمنا كمان عشر سنين
و لما انتحر بقى قلتله انت لما تموت ان ابنك هيمسك بعديك الحكم


طب بذمتكوا القرد ده مش عنده دم





هناك 12 تعليقًا:

عباس العبد يقول...

هو القرد لسه بيتنطط ولا بطل تنطيط
........

غير معرف يقول...

انت هتروح فى داهية

princess dodo يقول...

ضحكتنى والله يا منير
تخيل القرد طلع عنده دم
وموت نفسه

ياااااه
الحيوانات بتحس بردو

وحلوة اوى الصورة


تحياتى

The Alien يقول...

حلو الشكل الجديد
وأكيد حلوة النكت
ومن حيث إن القرد عنده دم فهو عنده دم
مش الإنسان أصله قرد!

تحياتي

moneer يقول...

عباس العبد

القرد مات اساسا

اهلا بيك نورتنى


*********
Anonymous

ليه يا سمر ده حتى الريس فرحان من النكت و ميت من الضحك
يارب يموت بجد

*********
princess dodo

ميرسى يا دودو على الكومنت الجميل ده
و بسعد جدا بتشريفك لمدونتى

*********
The Alien

هههههه
ازيك يا بيشو
كويس انه الشكل الجديد عجبك
التغيير ضرورى بس اصل احنا محتاجين تغيير من 26 سنة
يا ريت نبقى كلنا قرود و نرجع لاصلنا بقى يمكن يحصل حاجه عدله
نورتنى

مخطوبه يقول...

منير
ده دليل ان الانسان اصله قرد

أمن الدوله
انا مليش دعوه بمنير خالص ولا أعرفه يا باشا

الكنبة الحمرا يقول...

وانا كمان معرفهوش
ولا عمرى شوفته
دى البلد زى الفل
انابطالب بالحجر الصحى ع الواد ده
ده مش ممكن يكون بيحب البلد


يا حفيظ

صباح الفل

اجندا حمرا يقول...

عزيزي أنا حر

عيد سعيد و كل سنه و انت طيب و بخير و سعيد

داليا عز يقول...


يخرب بيت شيطانك
ربنا يستر عليك

The Alien يقول...

إنت فين يامنير
أتمني تكون بخير
وترجع بسرعة

moneer يقول...

شكرا لكل الناس اللى كتبتلى كومنات اثناء غيابى
انا لسه بخير الحمدلله
و ان شاء الله ارجع اكتب قريب
moneer

Unknown يقول...

餐飲設備 製冰機 洗碗機 咖啡機 冷凍冷藏冰箱 蒸烤箱 關島婚禮 巴里島機票 彈簧床 床墊 獨立筒床墊 乳膠床墊 床墊工廠 產後護理之家 月子中心 坐月子中心 坐月子 月子餐 銀行貸款 信用貸款 個人信貸 房屋貸款 房屋轉增貸 房貸二胎 房屋二胎 銀行二胎 土地貸款 農地貸款 情趣用品 情趣用品 腳臭 長灘島 長灘島旅遊 ssd固態硬碟 外接式硬碟 記憶體 SD記憶卡 隨身碟 SD記憶卡 婚禮顧問 婚禮顧問 水晶 花蓮民宿 血糖機 血壓計 洗鼻器 熱敷墊 體脂計 化痰機 氧氣製造機 氣墊床 電動病床 ソリッドステートドライブ USB フラッシュドライブ SD シリーズ