الأربعاء، أغسطس 01، 2007

Urban Growth in Cairo 1965–98


Urban Growth in Cairo 1965–98

The population of the Cairo metropolitan area has increased from less than 6 million in 1965 when the first picture was taken, to more than 10 million in 1998 (United Nations Population Division, World Urbanization Prospects, the 1999 revision).

Population densities within the city are some of the highest in the world and the urban area has doubled to more than 400 square km during that period.

Extraordinary rates of population growth are expected to continue, with a predicted population of around 14 million by 2015.

Images Gem05-1-45778 and STS088-739-91 were provided by the Earth Sciences and Image Analysis Laboratory at Johnson Space Center. Additional images taken by astronauts and cosmonauts can be viewed at the NASA-JSC Gateway to Astronaut Photography of Earth

النمو الحضري في القاهرة 1965–98

سكان منطقةِ القاهرة الحضرية زادَ مِنْ أقل مِنْ 6 مليون في 1965 عندما الصورةِ الأولى أُخِذتْ، إلى أكثر مِنْ 10 مليون في 1998 (قسم سكانِ الأُمم المتّحدةِ ، فرص التعميرِ العالميةِ 1999).

كثافة السكان داخل المدينة واحدة من اعلى المعدلات فى العالم و خلال تلك الفترة تضاعفت المنطقة الحضرية الى اكثر من 400 كيلو متر مربع خلال تلك الفتره.

النِسَب الإستثنائية لنمو السكانِ تَتوقّعُ ان تستمر، مَع تَوقّعَ ان تصل النسبة الى حوالي 14 مليون بحلول الـ 2015

المشكلة هنا ان التوسع ده بيهدد الارض الزراعية اللى مساحتها بتتقلص بشكل مستمر و دايما بلاحظ ان البناء الا يحلو الا عندما تكون الارض زراعية و تترك الصحراء خاليا اللهم الا من بعض القرى السياحيه على الساحل و بعض البيوت المتواضعه للبدو ولا شئ اخر

و طبعا اشك ان الحكومة قامت باى عمل من شأنه انقاذ المساحات الزراعيه الا سن بعض قوانين عقيمة لا تجد من يقوم على تطبيقها اعتقد ان المشكلة دى مصر هتعانى منها مستقبلا و هتنضم لقائمة المشاكل العريضة التى تعانى مصر المغلوبة على امرها الغارقة بالمشاكل

ماذا يمكننا فعله ؟

مازال الملف مفتوحا للمناقشه ........


هناك 7 تعليقات:

Samir يقول...

الأرض الزراعية هنا وفي الصعيد وف كل حته مظلومة. الحكومة تعمل مخالفة والمواطن فاهم، هما قرشين مغضوب عليهم هيطلعوا للمحامين. والمواطن يتظلم والخبير يعاين وف الأخر: براءة. ياخد تصريح بالبناء. الموضوع غير رادع بالمرة. الحكومة متراخية والمواطن جاهل. تفتكر المواطن هيبقى يتظلم من التلوث وقلة الانتاج الزراعي؟
مافتكرش

The Alien يقول...

ياولدي الحكومة مش فاضية للكلام دا
وبعدين هي كدا بتسب الناس تعيش
يعني اللي عايز يبني يبني
واللي عايز يهد يهد
والحياة قشطة وكله بيسترزق وعايش

تحياتي

moneer يقول...

Samir

The Alien

ايوا يا جماعة بس دى مشكلة كبيرة تناقص مساحة الرقعه الزراعيه خطر كبير
المساحة الزراعية بتقل و عدد السكان بيزيد
و بعدين مشروع بسلامته (توشكى) الناتج بتاعه بيتصدر لانه مفيهوش مبيدات و منتج عالى الجودة

ده غير اساسا ان البلد تدهورت كنا بنصدر اقمحخ دلوقتى مش لاقينه
مهو بعد الانقلاب عبد الناصر خلى كل فلاح يعمل اللى هو عايزة بالارض فكل فلاح بيقى يزرع الاسهل و الاسرع لان القمح بياخد فترة طويلة

يعنى الارض الزاية فيها مشاكل كتير

مش لازم ننساها
شرفتونى

Samir يقول...

انت بتتكلم بجد، احنا بنصدر من توشكى؟ انا نفسي اطمن بامانة. نفسي تكون توشكى عمرانة. مش عارف ليه حاسس انها مسرحية أو تمثيلية. لو بتنتج يبقى 100 فل وعشرة وبعدين نبقى نقول ان طباخ السم بيدوقه وأن احنا واولادنا أولى بيها

moneer يقول...

ايوة يا سمير توشكى بتنتج بس انتاجها مش لمصر لانه خالى من المبيدات و الحاجات دى و فى مطار جنب توشكى تقريبا بيخاد الانتاج و يصدره لاوروبا

هى شبة مسرحيه لانه كان المتوقع انه مشروع القرن مش مجرد اراضى انتجها معد للتصدير وخلاص

احنا فعلا اولى بيها

Masria يقول...

أنا ممكن اكون غلطانة.. بس أنا شايفه إن المشكلة إن الناس بتحب تكون جنب بعضهم .. حتى لو على حساب الأرض الزراعية
لو الحكاية كده فعلا .. و كل واحد يتكلم عن نفسه .. أنا شخصيا لو هاختار بين بيت ما حصلش في الصحرا .. أو أوضتين و صالة قريب من المكان اللي أنا عايشه فيه بالفعل حتى لو كان على أرض زراعية .. هاخد الأوضتين و الصالة .. على أساس و أنا ايه اللي يحدفني لوحدي

moneer يقول...

لا مش انتى مش غللطانة يا مصرية انا عن نفسى عندنا ارض فى الصحرا و رافض تماما انى اروح هناك علشان ابنيها وكده بس مش المشكلة فى الرفض انى هكون لوحدى او كده بس ده لان المنطقة تقريبا مفيهاش خدمات و خالية الا من بعض البدو ده غير ان الوصول ليها صعب لانها فى وسط الصحراء
بس مثلا لو هناك فى خدمات و مرافق و مواصلات و فى حركة هيكون انى اروح هناك شئ سهل
و برضه الناس لو توسعت فى الصحراء نسبه كبيرة منهم هيبقوا جنب بعض
نفس الفكرة لو الحكومة اخترقت الصحراء ببناء مدن و مرافق و خدمات و مواصلات الناس هتروح هناك بسهولة
و بعدين فكرة تناقص مساحة الارض الزراعيه الخصبة فكرة مش بسيطة احنا تلات ارباع القمح اللى بناكله مستورد
زمان كنا بنورد القمح
ايه اللى حصل الناس بتكسل تزرع و بتبنى على ارضها يعنى؟؟
علشان يبقوا جنب بعض و بعد يموتوا من الجوع؟

هى فكرة عايزة مناقشة كتيير و انا سعيد بمشاركتك
شرفتينى يا مصرية