الاثنين، أغسطس 20، 2007

تَدوينة مُمٍلة

دى تدوينة مملة جدا شوية حاجات كده ملهاش علاقة ببعض والحاجة الوحيدة اللى بتوصلها ببعضيها هى انا
يعنى حاجة كدة زى قتل الملل بالملل

****************

انا اساسا مش عايز اصحاب
مش فاهم انا الفكرة ان كل واحد عاملى فيها باشا من دلوقتى و مش فاضى
امال بقى لما يتنيلوا يتخرجوا ويشتغلوا بجد هيعملوا ايه؟
ده شئ بارد
انا نفسى اعرف فايدة واحدة للشئ اللى اسمه صداقة
الشباب فى فى مصر دلوقتى بقى ممل و فاشل و البلد كلها اساسا بقى دمها تقيل
بلد العيش فيها مفيهوش اى فايدة
تعليم زبالة
شغل مقرف
فلوس ملاليم
زحمة على الفاضى
ناس رخمة
ناس قليلة الادب
شباب تافهه
بنات متخلفة
ملل
ملل
ملل
جهل و تخلف
جهل دينى
خرافات
نت فاشل
كوسة

****************************

مش بترد عليا ليه يا سى زفت

انا مش عارف ليه زى زفت مش بيرد عليا

****************************


انا مرة واحد شتمنى علشان كنت لابس شورت وشبب احمر قالى يا وسخ مع انى كنت نازل العجمى هلبس ايع يعنى قفطان؟

احساس مقرف
فكرنى بفيلم اشارة مرور لما عماد رشاد واحد ضربه على قفاه من غير اى مبرر او سبب حتى انه مكانش يعرفه اصلا

***************************
احساس جميل انك تقعد لوحدك تقرا كتاب تحت الشباك على ضوء الفجر هدوء مستمر علشان شوية الغوغاء اللى فى الشارع نايمن
تقريبا هوه حبس انفرادى بس هوه ارحم من الخروج و الاختلاط بشوية الحيوانات اللى بره طبعا ده مش تعميم لان فى ناس كتيير جدا محترمة بس لما يكون حظك حلو هتقابلهم
حتى صحابك تافهين و دمهم تقيل و مملين
و كل ما تنزل مع واحد متخلصش من الكلام عن الحاجات التافهه اللى انت متضطر تجاريهم فيها
و بيوصل الموضوع لاقصى درجات المملل لما يكون عن بنات و غالبا اللى بيتكلم مبيكونش نيته سليمه
دايما بيجبروك انك تفكر فى الحاجة اللى انت بتحاول تبعد عنها او على الاقل انك تفكر فيها بطريقة معينهة مش بتحبها

**************************

لما تكون مهم فى حاجة او متميز فى حاجة متخلصش من اصحاب المصالح يفضلوا وراك بس لما تقرر انك تريح دماغك محدش يفتكر اساسا
حتى فكرة التدوين بقت فكرة مملة مش بتعرف تتواصل فيها بدرجة كبيرة مع حد غير انك علشان تكتب حاجة تكون مناسبة محتاج مجهود فى ظل جو غير ملائم لاى حاجة مفيدة
غير انى مش بكتب هنا الا علشان التواصل انا مش بكتب لنفسى لانى لما بكتب لنفسى بكتب ورقة و احتفظ بيها

***************************

ملل
ملل
اساسا كل الناس ملانة مش عارف تيجى ازاى
دى حاجة مملة


**************************
خمس ايام عايش لوحدك بس احساس رائع ان مفيش حد ممكن يزاولك
بس احساس ممل انك تفضل اقاع فى حبس و لما تنزل تتنفخ من الحبس الكبير
البلد اساسا بقت زنزانة
انا مبقتش طاييق العيشة فى البلد دى
و محدش يتكلم عن الوطنية و الحاجات اللى مش لاقيلها اى لازمة
يييييييييييي
ملل زيادة
افلام مملة برامج مملة
كل حاجة كل حاجة

************************
مش عارف تعبرعن رايك و حتى لو عبرت انت مجرد نكرة كلامك ملهوش اى لازمة

بس لازم فيك كلاب هتوهو عليك

هوهوهوهووهوو
سياسة زفت
رياضة هيا فين؟
كدة كدة الاهلى هيكسب كل البطولات الا لما تحصل المعجزة
الكتب غاليا اساسا محتاجة مزانية تانية ده غير فين النفس
النت و الكمبيوتر بقت حاجات مملة
الخروج هيخليك تكرة الناس و البلد زيادة و لو هتفضل فى البيت هتكره نفسك

**************************

انت لسة مزهقتش و انت بتقرا الملل ده

**************************


انزل اشتغل
ههههههه
انت مجربتش؟
لا
هههههههه
كده كده هشتغل زى الكلب مقابل ملاليم و هتعامل مع شخصيات زبالة -معظمهم-

واساسا انا مش بعرف اشتغل غير الحاجات اللى بعرف اعملها ودى ملهاش سوق شغل فى بلدنا

**********************


حسنى مبارك عنده انفاق تحت الارض

الراجل الفلاح- مع الاعتذار للفلاحين- اصبح اسطورة

الشعب الساذج جعل منه سلطان بل اله بيخافوا منه و من كلابه اكترمن اى حاجة تانية

انت ايه ياعم مش خايف
انا مش بخاف لانى معنديش حاجة اخاف عليها و حتى لو عندى توز
كلكم اتربيتوا على الخوف
ههههه انا مش بعرف اخاف
توز فى الخوف و فى اى حاجة

************************


ثورة ايه يا شوية هبل
هوه الانقلاب اللى قام بيه شوية ظباط واحتلوا الحكم و كل ظابط يسلمه للى بعده بقت ثورة مجيدة

بس كلام فى الموضوع ده علشان بيستفزنى

************************


الشهد الملكى
ييييييييي انتو عيال مملة
كل مرة تروحوا الكافتريا البيض دى
دى اساسا كان المفروض تبقى اجنس عربيات
هنعمل ايه مفيش حتة تانية نروحها

*************************
شوفت العربية الهمر اللى عند اجنس اباظة
كل مرة الموضوع ده بيتفتح لما نركب مشروع من على البحر من اى حد قاعد فى المشروع
دى مرطرة فى الكويت و الخليج
يا عم دول شوية .......

بياعين الزيت دول ملهمش لازمة مش بيعملوا اى حاجة غير انهم يبيعوا زيت

*************************
مرة واحد ليبى كان راكب مشروع على البحر
-على جنب يا اسطه لو سمحت
استنى يا اخينا احنا مش فى الصحرا هنا (يقصد ليبيا) -
- هيا صحرا بس فيها فلوس
طبعا كتعقيب على الحكاية لازم حد يقول سبحان الله مصر دى بتتسرق من زمان و لسه فيها خير
هوا فين الخير ده اساسا و لا هوه كلام وبس

***************************
علشان تركب اتوبيس من سيدى بشر للمعمورة هياخد ساعة ونص
اصل التاكسى عايز اتناشر جنية
.........

**************************
انا عن نفسى بحب افلام خيرى بشارة
اللى هيه ايه
يعنى حرب الفراولة و ايس كريم فى جليم - قشر البندق - اشارة مرور- امريكا شيكا بيكا
اه الافلام المتخلفة دى
انت بتحب افلام ايه
جعلتنى مجرما و ظرف طارق كده يعنى
بس بس
ششششش

*************************
احنا نروح نقعد فى العالمية اللى فى سيدى بشر و بعد كده نشوف هنروح فين
يييييييييي
كل مرة انت بتروح العالمية علشان تبص على البنت اللى بتقف فى الشباك
ههههههههه
بزمتك مش حلوة

********************************
نروح فين دلوقتى احنا نروح سان استيفانو (جراند بلازا)نبص على شوية مزز و بعد كده نطلع ناكل من عند ابو عوض

********************************
انا اساسا زهقت الكلام ده بيتكرر بقاله 3 شهور
بس ارحم من قعدة البيت

****************************

انت مكتبتش حاجة جديدة على المدونة بتاعتك
لا

****************************
انا مش عايز اقول بحبها انا معجب بيها بس مش عارف اكلمها
البنات بتحب الولد الجرئ

***************************

تامر حسنى مين يابا ده متهم فى قضية مخلة بالشرف


***************************
ايه الملل ده

يا عم فكك منهم دى عيال كتيانة

**************************
الحفلة خلصت يا فندم فى اماكن اضافيه
لا شكرا

************************

انت فاكر ان انا وانت بس اللى كده

لا ده احنا كتيير

***********************

هات احلامنا يا بابا نويل قبل ما يرحل قطر الليل

و لف بينا قلوبنا حزينة

بببرابربا بببارابربا بببرابرابا ترررارا

************************
انت يا استاذ لو سمحت مين اللى قعدك هنا
ورينى التذاكر
حضرتك اللى قلتى الصف التانى سيب اول خمس كراسى واقعد
طب اشوف التذاكر
اتفضل
اه صح انا اسف
طب دول خمس كراسى؟؟؟
لو سمحت التذاكر
اه انا اسف

********************
انا نفسى فى سجارة
ممنوع البنات يدخنوا فى الجامعة
ليه ما الولاد بيشربوا عادى
البنات ممنوع تفرقه عنصريه بقى

*******************
مممممممملللللللل

******************
انا زهقت بس بكتب تدوينة علشان انا مش لاقى حاجة اعملها
تدوينة من غير هدف مجرّد كلام جاى فى دماغى

*****************

Ne kartpostallar yolladım

Arasına resimler koydum
Kaç eylül daha geçti, bir cevap alamadım,

Ama ben bekliyorum...ama yok yazmıyorsun

Peki, ozaman öyle olsun

Kırılan kalbim olsun

Dalgaların, denizlerin, selamı var herkesin.

Öp dediler yanaklarından,


********************************


اسكندرية بيبقى دمها تقيل اوى فى الصيف


ايه الناس دى كلها


يا جماعة اسكندرية مش مصيف دى مدينة عادية و فيها ناس عاديين ساكنين


مش مصيف خالص

************************
انت تقعد ساكت متتكلمش لحد بكرة الصبح

***********************


هوه النت كل شوية يفصل


حاجة مملة



الو ايوة يا كريم النت فاصل


معلش اصل السويتشات و الناس والاسلاك و بنصلح و كمان ساعة و الحر و .و.و


******************************


كلام فارغ


*****************************


كفاية



يا ريس وحياة ولادك خد جمالك خد علاءك خد مراتك اى حاجة تيجى فى بالك بس كفاية


****************************

2:49 ص


****************************


متعرفش ازاى انزل الافلام من اليوتوب؟


اسمه يوتيوب


***************************


هو النهاردة ايه؟


اساسا كل الايام شبه بعضها


لقدت فقدتُ الاحساس بالزمن



***************************


فين اساسا مدير السينما وازاى ساكت على المهازل دى


مدير السينما اساسا مسيحى


مش فاهم؟


ده راجل دمه تقيل و بارد


وطب ايه علاقة دينه بالموضوع


يعنى ايه علاقتة دينه بالموضوع بقولك مسيحى


منفعل سنة: يعنى ايه مسيحى مش فاهم انا ايه علاقة انه مسيحى بانه شخصية مش لطيفة


الموضوع ملهوش علاقة بالدين انت بتفكروا ازاى


على فكرة لو على كدة فية مسلمين كتيير ولاد كلب اساسا بس ده ملهوش علاقة بانهم مسلمين


انتو اساسا بتدخلوا الدين فى متاهات و حاجتا ملهوش علاقة بيها


............


*******************


انا اساسا احق واحد هنا كلكوا داخلين بالصدفه

*******************

و انا ماشى فى الشارع:


يابيه الحاجات اللى انت طالبها دى عيييب و حرام


ههههههههههههههههههههههههههه


*****************************


متعمليش اوفلاين فى الياهو


ماشى


****************************


فاضل 250 من اجار العربية لسه مرجعش


****************************


لو سمحت فيه كتاب امكنة؟


ايه؟


امكنة


اسمه ايه ؟


امكنة


كتاب اسمة امكنة؟؟


ايوة


ازاى يعنى؟


هوه اسمه كدة


لا مفيش


.......


مش عارف انا الناس دى هما بيبيعوا كتب ولا برسيم


********************************


النت لسه فاصل اه يا ولاد ال.......


انام ولا اطبّق


لا مش عايز انام

******************

انا عمرى ما ازيت حد


علشان كده ربنا هيحاسبنى برحمه كبيره


هيعملى اكبر نسبة خصم


20%


30


50%


متخليهم 100% ده انت غفوووور و رحيييييم


**********************

لمّا بَدى يتثنى اه


لمّا بَدى يتثنى


امَان اَمَان امَان امَان


حبى جمالةُ فتناَ


امَان امَان امَان امَان


********************************


و لقد اعطيت له هذه الشهادة بناء على طلبه لتقديمها لمن يهمه الامر



**************************

حق ايه؟


اساسا ميجوزش الخروج على الحاكم


بقولك فكك من الافكار الوهابية السلفية دى


ده ابن تيميه هوه اللى قال


دى اجتهادات بس


اجتهدات ايه دى حاجت موثقه و و و و


هبقى اجيبلك


خلاص ماشى


هففففففففففف

**********************

ايه ده ؟


ده المعبد اليهودى

ده غير اللى فى المنشية

اه

ده بقى اللى فى النبى دانيال

ايوة

****************

مش هتقعد لوحدك


لا هقعد


عافيه يعنى


اه

******************

ايه يا مودى


انت شايفنا ماسكين فى خناق بعض


دى كلمه قلتها بس


وما اظنش انى جبت سيرة حد من بعيد او قريب


انا اللى فيا مكفيني

**********************

ياريت بقى مش عايز اشوف وشكوا ولا اسمع صوت اى بنى ادم


محدش يتصل بيا

انتو اساسا شيوة كلاب

كلكم

ايوة انتم


*****************

شبشب ب 300 جنية ليه؟


ده quik silver


ده شبشب حمام


***************


20-8-2007


**************
















*********************

البحر بيضحك ليه؟


و انا نازلة ادلع املا القلل


*******************


هتفضل طول عمرك كده اهبل و بتتخيل حاجات هبلة زيك مش ممكن تحصل ابدا


********************

تركت خالية للملاحظات


************************

انت غريب


غريب انت


انا عمرى ماشفت حد زيك


مقابلتش حد شبهك قبل كده


افكارك مجنونة شوية


انت عايش الدور شويتين


معلش اصله دورى


دى المرة المليون اللى اسمع فيها الكلام ده

********************

انت ايه اللى دخلك فى الموضوع ده


كده طولت و بقيت ممل


ممل اوى


لا ده انت بجد ممل جدا


هى دى الفكرة طبع شعورك على البوست

*****************

انت فاكر السفر سهل؟؟


ادى دقنى لو عرفت تنيل حاجة


*****************

لو سمحتى الساعة كام؟


ههههههههههههههههههههههههههههه

*****************

صورة مين ده؟


ده الملك فاروق

**************

عيش اسطورتك الذاتية


و استمع لقلبك


اكون او لا اكون


هذا هو السؤال


To be or not to be


This is the


question


******************

يلعن د.... كده


يلعن ابو اللى يشجع الزمالك تانى


اوعه يا عم

*****************

سيب دقنك شكلك بيبقى احلى


لا شكلك احلى من غير دقن


*****************


ايس كريم حليب .. بس


***************

12-7-1988


24-8-1988


42


**************

ماما زمانها جاية جاية بعد شوية جايبة لعب وحاجات

**************

الملل اساسا مَل و انا عمال اكتب الحاجات التافهه دى


**************

افضل ناس بحبهم واحترهم هما المدونين اكتر من ناس كتير اعرفهم
و دول اللى مش ممكن اكرههم بسهولة بس احيانا بتخنق من بعضهم

**********************

الصلاة ُ خيرٌ من النوم


الصلاةُ خيرٌ من النوم

**************

استنى يا عم ملل انت رحت فين


يا عم ارجع اقعد معايا شوية انا قاعد لوحدى و مش لاقى حاجة اعملها


انا قاعد لوحدى


اه واللهى فكرة حلوة

و لكن تلك تدوينة اخرى

*******************



Publish Post






هناك 12 تعليقًا:

The Alien يقول...

شكلك زهقان
ومين سمعك .. مفيش حد مش زهقان
إنت محتاج تعمل حاجة جديدة جدا
خرج نفسك من روتينك

أنا أول مرة أحد بالي إنك من إسكندرية
ياعم دا إنت ع اﻷقل يوم ما تزهق تقعد ع البحر
أنا زهقان ومش قادر أخد أجازة
عايز أشوف بحر وسما
لو نزلت إسكندرية قريب هقلك

علي فكرة
أنا قعدة أكتر من ربع ساعة أقرا التدوينة المملة بتاعتك دي ومزهقتش
تحياتي

Masria يقول...

أنا مش هاتكلم كتير المرة دي .. بس عايزه اقولك .. البوست عاجبني جدا جدا جدا .. أوي يعني
:)

summar يقول...

حد يابنى يكون فى اليكس ويزهق
انت عايز تنقطنى
ولا تشلنى
بس بأمانة
روعة
انت عارف رأيي
بتعرف تهيس صح
تمام والله كتاباتك

سعيد انحراف يقول...

عمك عزيز في فيلم حافية على جدر الدهب قالها حكمة:
فيه ناس بني ادمين عادي
وناس ولاد ستين كلب

قالتله مرفت امينو: طب و شكري
قالها: ابن ستين كلب!

و هوه ده تصنيف الناس في مصر

امضاء سعيد انحراف مش الانحراف لأ ابوه

moneer يقول...

The Alien

انا يا بيشوى عديت المرحلة
دى و مش لاى اى حاجة جديدة اعملها
الصراحه البحر تحفه و لما تطلع عليه هتنسى نفسك بس المشكلة ان الدنيا زحمة مش هتلاقى مكان مش هتعرف تقعد براحيتك
يا ريت انا مستنيك

بجد مزهقتش حاجة غريبة
يالا سلام

***********************
Masria

ميرسى ربنا يخليكى
انا كده مبسوط اوى
:D

**************
summar

تعرفى انا لو كنت فى الجنة و قاعد لوحدى هزهق
ميسر انت بترفع من روحى المعنوية

************
سعيد انحراف

عندك حق حق جبت المفيدة لسه متاكد من الحكاية دى
ناس بني ادمين عادي
وناس ولاد ستين كلب
انت جبت المفيد
سلام يا معلم

اجندا حمرا يقول...

صدقني يامنير مفيش حد مش زهقان و قرفان من كل اللي حواليه بس ياابني لو فضلنا كده حنكتئب ال يعني احنا لسه ماكتئبناش لول
روق كده و انسي الدنيا ماحدش واخد منها حاجه
بس بوست واقعي جدا بجد روعه
يالا روق بقه و اتحفنا ببوست حلوه تاني بس و النبي فرفش بقه يامان

:)))

go3d يقول...

انا اول مرة اجى المدونة بس البوست كيفنى
انا كنت وصلت للمرحلة دى وكتبت بوست زى ده من فترة (طبعا مش بالطول ده
انشاء الله مش هتكون اخر مرة اجى المدونة

moneer يقول...

اجندا حمرا

انا عارف ان دى طبيعة مشتركة بين البشر
بس هى بتفرق مين اللى يقدر يتغل
بس تعرفى زيارتك ليا بتخرجنى من الحاللات المشابهة
انشاء الله قريب هحاول اكتب حاجة جديدة
نورتينى


************
go3d

اهلا بيك شرفتنى و شرفت مدونتى
انا كبسوط جدا بزيارتك و اتمنى ان تشرفنى على طول

Sara Swidan يقول...

ربنا يصبرك يابني على اللي انت فيه!

بس ليه انا مش حاسة ان البلد و الناس و كل حاجة " مملة " كدة زي ما أنت بتقول؟؟؟

العيب مني و لا ايه؟!!

moneer يقول...

Sara Swidan

ميرسى ربنا يخليكى يا سارة
لا هيا فعلا المشكلة مش فيكى هى المشكلة فيا انا
اصل انا وحيد زيادة عن اللزوم و معنديش صحاب و كده
فطبيعى الحياة هتبقى مملة جدا

ميرسى على تشريفك للمدونة

غير معرف يقول...

عزيزى منير أحب أسجل إعجابى بمدونتك وأرأك العميقة وياريت تراسلنى وونكون أصدقاء إحتمال أكون مش ممل على رأيك

أنا محمود أداب اجتماع من اسكندرية
وده ايميلى على الهوت ميل ممكن تبقى تضيفنى mahmoud_90_alex@windowslive.com

Unknown يقول...

餐飲設備 製冰機 洗碗機 咖啡機 冷凍冷藏冰箱 蒸烤箱 關島婚禮 巴里島機票 彈簧床 床墊 獨立筒床墊 乳膠床墊 床墊工廠 產後護理之家 月子中心 坐月子中心 坐月子 月子餐 銀行貸款 信用貸款 個人信貸 房屋貸款 房屋轉增貸 房貸二胎 房屋二胎 銀行二胎 土地貸款 農地貸款 情趣用品 情趣用品 腳臭 長灘島 長灘島旅遊 ssd固態硬碟 外接式硬碟 記憶體 SD記憶卡 隨身碟 SD記憶卡 婚禮顧問 婚禮顧問 水晶 花蓮民宿 血糖機 血壓計 洗鼻器 熱敷墊 體脂計 化痰機 氧氣製造機 氣墊床 電動病床 ソリッドステートドライブ USB フラッシュドライブ SD シリーズ