الجمعة، أغسطس 17، 2007

مهما الخوف















مهما كنت بعيد

واقف حلو سعيد

و بتضحك

برضه هتلقى الخوف

و اقف مستنيك

واقف تحت البيت

و انت برة البيت

طب فكّر تعمل ايه؟؟

اجرى فى مرة عليه

او لف من حواليه

حاول تطلع

او ممكن تهرب

ايه قولت هتعمل ايه؟

ولا اقُلك فكك

كده صعبة اصلك مش هتبات فى الشارع

مهما حاولت تشوف

او تلعب علمكشوف

برضه

هتلقى الخوف

واقف مستنيك

واقف تحت البيت

وانت جوة البيت

افتح مرة الشيش

بص فى مرة عليه

اخرج

احتك

يا ضعيف!!!

اصل اساسا ضعفك مصدر رزق الخوف

شٍُوف الحسبة ازاى

شُوف الناس ازاى

اعمل و احد شاى

خدلك حتت كيييك

سيب الشاى و الكيييك

خد حمام واتشطف

و اتنعنش

و اتفرفش

و ساعتها الخوف

هينام على الباب

هينام متاخر

علشان هو بيسهر

علشان بيخاف

من الضلمة او من الخوف

و ساعتها ابقى انزل من ابيت و هو لسه نايم

يمكن ترجع تلاقيه مات علشان الدنيا دى مفيهاش حد دايم

شُفت الحسبة ازاى شُفت الحياة ازاى



photo by moneer
منير ؛ ابو سريع



هناك 7 تعليقات:

princess dodo يقول...

جميل اوى يا منير

زى ما قال جاهين


سهير ليالي و ياما لفيت وطفت
و ف ليله راجع في الضلام قمت شفت
الخوف... كأنه كلب سدالطريق
و كنت عاوز أقتله .. بس خفت
عجبي !


ضعفك مصدر رزق اخوف


رائع كلامك

أحييك

اجندا حمرا يقول...

مش لازم يامنير نخلي الخوف يسيطر علينا
لازم نبقي ااقوي منه طالما مفيش حاجه دايمه يبقي نعيش الحياه زي ماهي حبه سعاده علي حبه حزن و اهه ماشيه صح؟

محمد يقول...

فعلا والله ضعف الواحد مصدر رزق الخوف

The Alien يقول...

الخوف
وكأنك حاسس باللي أنا فيه
الخوف هو الإحساس اللي ماسكني دلوقتي
قدروا يخوفوني ياصاحبي
خوفوني م الحاضر والمستقبل
خوفوني علي كل اللي حوالي واللي بحبهم
نجحوا يزرعوا كمية خوف كبيرة جواي
أنا بقيت خايف

أسف إني بعيد الفترة اللي فاتت
بس بجد مطحون شغل

تحياتي

david santos يقول...

Hello, Moneer!
Thanks for you work and have a good day.

moneer يقول...

princess dodo


ضعفك مصدر رزق اخوف

هى دى الخلاصة

شكرا ليكى جدا و انا مبسوط بتشريفى فى مدونتى

نورتينى واتمنى انك تنورينى دايما


**************************

اجندا حمرا

لو الخوف سيطر علينا يبقى انتنهت هو اللى هيتحكم فى ترقتنا و ساعتها مش هنكون بشر حقيقيين هنفقد مضمونا و جوهرنا
افعالنا هتكون بلا قيمة

لازم نعيش الحياة زى ما هية علشان هى كده مش هتتغير
حبة سعادة
على حبة حزن
و اهى ماشية

نورتينى بجد

************
محمد

بالظبط مبسوط بزيارتك دى اول مرة ويارب متكونش اخر مرة

*************
The Alien

اوعى تخاف كده هيكون انتصروا
لو خُفت هتخسر كتيير
انت كده هتخوفنى عليك
بلاش تخاف
ارجوك
و متبعدتش كتيير

تحياتى يا بيشو

***************
david santos

thanks a lot mr david
for your comment
have a nice time

with my pleasure

Unknown يقول...

餐飲設備 製冰機 洗碗機 咖啡機 冷凍冷藏冰箱 蒸烤箱 關島婚禮 巴里島機票 彈簧床 床墊 獨立筒床墊 乳膠床墊 床墊工廠 產後護理之家 月子中心 坐月子中心 坐月子 月子餐 銀行貸款 信用貸款 個人信貸 房屋貸款 房屋轉增貸 房貸二胎 房屋二胎 銀行二胎 土地貸款 農地貸款 情趣用品 情趣用品 腳臭 長灘島 長灘島旅遊 ssd固態硬碟 外接式硬碟 記憶體 SD記憶卡 隨身碟 SD記憶卡 婚禮顧問 婚禮顧問 水晶 花蓮民宿 血糖機 血壓計 洗鼻器 熱敷墊 體脂計 化痰機 氧氣製造機 氣墊床 電動病床 ソリッドステートドライブ USB フラッシュドライブ SD シリーズ