الاثنين، يونيو 18، 2007

مجرّد جسد


من فترة ليست بالبعيدة بدأت نظرتى لموضوعات كثيرة تتغير على أساس انى كبرت و تفكيرى اصبح اكثر نضجا يعنى مثلا زمان كنت بعتبر ان أفضل شئ للمرأه هو وجودها فى البيت و افضل لبس ليها هو النقاب


بس كل الافكار الغريبة دى انهارت تماما عندما توقفت على أن أنظر للمرأه على انها مجرّد جسد و ده ملهوش اى علاقة بالثقافه الدينيه بمعنى ان فى حاجة من جواية بتمنعنى انى اتحرش


بأى انثى مش بسب ان ده محرّم فى الدين لكنه بسبب انى مش بعتبر الانثى فريسة لغرائزى و شهوتى الحيوانية اللى بيتحكم فيها عقلى عكس البعض


يعنى كان فيه واحد أعرفه كان بيحكيلى انه زمان لما مكانش بيلاقى حاجه يعملها كان بيركب الاتوبيس من أول الخط لأخره فى الزحمه علشان مجرّد انه يتحرش بالبنات والستات


و كان بيبقى فخور بعبقريته اللى خلته يوفر لنفسه سبل للمتعه بثمن تذكرة اتوبيس .. الشخص ده دلوقتى اصبح مُلتحى و مش بيسيب المُصحف من ايديه


أنا كنت بستغرب و هو بيحكيلى ازاى هو كان بيعمل كده و مكانش بيقرف من نفسه؟؟


ده غير حكايات كتيير من امثاله عن نزاوتهم الجنسية فى حالات مشابهه واللى كنت بتعبر نفسى كان غريب امامهم


اكيد مش كل الناس كده بس فيه ناس كتيير كده و طبعا احنا مش بعيد عن حواديت التحرشات اللى بتحصل كل عيد


أنا كنت ولازلت بأحترم المرأه و برفض اى محاولة للتحرش بيها او اعتبرها مجرّد جسد


و أنا فى ثانوى كنت لمّا بزوغ من المدرسة كنت بروح أنام او اروح اقعد على البحر أكل السندويتشات مع القطط


بس كان فيه ناس كتيير اعرفهم كانت بتزوغ و تروح عند مدارس البنات و كل واحد كان بيروح على مدرسة اللى كان بيروح زيزنيا و اللى بيروح طه حسين و اللى بيروح هدى شعراوى


كل و احد على حسب دماغه


بس أنا المرة الوحيده اللى عديت فيها من عند مدرسة بنات بالصدفه اتمسكت و حطونى فى البوكس و الظابط كان بيعاملنى على اساس انى اتمسكت فى قضية اداب أصلى يومها مرضيتش امشى من عند الترام علشان محدش يشوفنى


يبقى منظرى وحش و انا مزوغ قلت امشى من شارع جانبى ...


رغم انى كنت ببقى عايز أتعرف على بنات كتيير بس انا مكنتش بعرف اروح أعاكس بنات زى بقيت الشباب الطبيعين غير انى مكنتش بلاقى سبب اروح اكلم اى بنت لان مش كل بنت تعجبنى اروح اجرى وراها


أنا شايف انه لازم يكون فيه ضبط للموضوع اصل احنا مش حيوانات

بوجه عام انا بحترم الانثى و بعتقد انها لو اخذت فرصتها و اتعلمت و اتربت بشكل جيد بعيد عن العقد بتاعت المجتمع الشرقى و الخرافات دى هيكون للمجتمع شكل افضل

بس للأسف الانثى دايما اللى بتهين نفسها


معظم البنات بتعتمد على شكلها و جسدها علشان تلفت الانتباه او تثبت و جودها بس للأسف الموضوع ده أهانها بشكل كبير لأن للانثى مقومات كتيير غير جسدها و جمالها


و ده خلّى معظم الرجال يعتبروا ان المراه مجرّد جسد و بيتعاملوا معاها على أساس انها لم تخلق الا لمجرّد اشباع رغاباتهم التى لا تتوقف


أنا أعرف ناس بيبقى ليهم علاقات مع بنات أعرفهم و بنات معرفهمش بس دايما بيتكلموا عنهم بطريقة مهينه و بيحكوا لبعض عن انهم عملوا كذا و كذا و البنت دى كذا


ده كان بيزعلنى جدا لانى كنت بعرف ان البنت دى بتحب الولد ده بجد بس هوا كان بيستغل الحب ده للوصول لاغراض تانيه فى نفسه الدنيئه

وهو دايما كان بيعتبرها مجرّد جسد ..

نفسى بجد نوصل للمرحلة اللى نحترم فيها بعض و نرتقى و نبطل نتعامل مع بعض على أساس اننا حيوانات


بس أكيد ان البنت فى الاخرهى اللى بتدى الفرصة للولد انه يتعامل معاها على انها مجرّد جسد... لا أكتر


مجرَد جسد.





هناك 6 تعليقات:

The Alien يقول...

أحلي حاجة إنك فكرت بنفسك
شفت اللي بيحصل مش منطقي ولا طبيعي
رميت اﻷفكار القديمة وبدأت تفكر بدماغك إنت
ياريت كله يعمل زيك ويفكر
يحاول هو يوصل ويبني أفكاره بنفسه

مبسوط بكلامك وهزورك دايما
تحياتي

moneer يقول...

عندك حق ياريت بس الناس تحاول تفكر
و شكرا على تعليقك و تشرفنى دايما

فرحة يقول...

معلش لو تعليقى جاى متأخر بس انا اول مرة ادخل هنا بس اتبسط جداًمن البوست دا
عارف حسستنى ان ممكن يكون فى امل رغم ان طبعاً لما بنزل الشارع الامل دا بيتحطم بس ولو بردة لما يكون فى شباب بتفكر كدا وشايفة ان البنت انسان ومش جسد بس
دا بيدينى امل ولو بسيط بس ممكن اعيش علية لفترة انا شايفة ان فى شباب كتير بتحترم البنت فاكيد الفكر بتعاكوا هايوصل مش مهم هايخد اد اية بس المهم يوصل بجد ميرسى على وجهة نظرك دى
وانا معاك ان البنت ممكن هى اللى بتخلى الولد يوصل للفكرة دى عنها بس واللهى مش كلناوحشين كدا
مش مفروض نحكم على كل البنات اللى ماشية او بنشفوها فى الشارع انها كدا
يلا خلتنى احلم حلم جميل اننا ممكن نكون شعب محترم مش حيوانى
تحية كبيرة ليك ولك الشباب اللى بيفكر زيك

Samir يقول...

أنت انسان عنده كرامة. أنا بتكلم بجد.أنت عارف؛ كل مشاكل المرأة في مصر ممكن تتحل لما أمثالك فكرهم يسود. لما الناس تتعلم تنظر ليها على انها كيان كامل. أنا اكبر مشكلة كانت بتقابلني مع الأولاد هي أن هما مش فاهمين أن علاقاتي بالجنس الأخر عادية جدا. كان في ولد لما كان بيكلمني كنت بحس أنه مجرد كلب. عارف ده ليه؟ علشان أنا تعلمت في مدارس مشتركة. كان الولد بيقعد جنب البنت. كان في فريق كورة بنات في المدرسة. أحكيلك أيه بس. التعليم الغير مشترك فاشل. عزل الجنسين ضار للشخصية جدا. لكن تحيا مصر اللي وزير التعليم فيها عايز كل يوم يفصل مدرسة مشتركة إلى مدرستين لتخريج شخصيات مشوهة.

على فكرة مافيش دين راح يدي المرأة حقوقها. اللي ممكن ينصف المرأة بصحيح هو عقولنا

moneer يقول...

فرحه
شكرا جدا على الكومنت الجميل و اللى رفع من روحى المعنويه و حسسنى انى مش بتكلم على الفاضى
تعرفى ان المشكلة هى اننا مش بنفكر بس لو فكرنا مشاكل كتيير هتتحل

تحياتى

samir
عندك حق جدا انا شايف ان فكرة العزل دى فكرة متخلفة و مش هتتنتج غير مجتمع مريض
و على فكرة مش هيبقى للدين و الاخلاق فائدة من غير ما يكون فى عقل بيفكر

تحياتى

Unknown يقول...

餐飲設備 製冰機 洗碗機 咖啡機 冷凍冷藏冰箱 蒸烤箱 關島婚禮 巴里島機票 彈簧床 床墊 獨立筒床墊 乳膠床墊 床墊工廠 產後護理之家 月子中心 坐月子中心 坐月子 月子餐 銀行貸款 信用貸款 個人信貸 房屋貸款 房屋轉增貸 房貸二胎 房屋二胎 銀行二胎 土地貸款 農地貸款 情趣用品 情趣用品 腳臭 長灘島 長灘島旅遊 ssd固態硬碟 外接式硬碟 記憶體 SD記憶卡 隨身碟 SD記憶卡 婚禮顧問 婚禮顧問 水晶 花蓮民宿 血糖機 血壓計 洗鼻器 熱敷墊 體脂計 化痰機 氧氣製造機 氣墊床 電動病床 ソリッドステートドライブ USB フラッシュドライブ SD シリーズ