الثلاثاء، يونيو 12، 2007

لو لفيت البلد و قعدت اصور الزبالة مش هخلص ابدا




















الصورة اللى فاتت فيها جزئين متناقضين

الجزء الاول

















و دى لو ركزنا فيها هنلاقى جملة بتقول

اسكندرية مدينتكم فحافظوا عليها مع تحيات حى شرق
لحد كده جميل


















و ده الجزء التانى من الصورة طبعا بيوصف نفسه

يعنى ام البلد دى مفيهاش حد نضيف بيرمى زبالة اهله جوه الصندوق المخصص لده؟
طب وام البلد دى مفيهاش حد بيشتغل بضمير يلم الزبالة دى كل يوم؟؟
و طب وام البلد دى مفيهاش بلاستيك يصنعوا صناديق كفاية؟؟
و المشكلة ان المفروض ان المكان ده من انضف الاماكن فى ام المدينة دى




























المكان ده قدام المجمع اللى بيضم اشهر مطاعم الوجبات الجاهزة
طب انا من ساعة متولدت و انا بشوف زبالة فى كل حتة يعنى فى باكوس و سوق الخضار وسوق السمك و معظم احياء اسكندرية الشعبية واللى مش شعبية لكن هنا على البحر كده يعنى ايه المنظر ده يعنى اخرج اتنيل اروح مكان نضيف فين؟؟
انزل باريس و ارجع























طب بزمتكوا يرضى مين ده؟ اجى انزل الصبح اروح الامتحان اشوف النظر ده؟
طب هوه ايه اللى حصل حد كان بياكل فى الصندوق؟ مش فاهم هوه ايه اللى حصل للصندوق اساسا
و الشارع كله بقى زى الفل
هى البلد دى هتنضف امتى؟؟؟
طب سؤال تانى هما المصريين ليه مش نضاف؟؟
بس و النبى محدش يقول انت سايب المصايب اللى فى البلد وبتتكلم فى دى
اصل النظافه شئ مهم بالنسب لى
و طبعا انا لو لفيت البلد و قعدت اصور الزبالة مش هخلص ابدا و البركة فى شركات النظافة
زمان اول ما بدأت شركة "اونيكس" الشركة كان فيها مديرين فرنسين الصراحة كانت المجهود رائع و كان فيه ضمير
بس طبعا اول ما المصريين مسكوا الشركة وتحكموا فى زمام الامور الوضع اصبح جميل
الله عليكوا يا مصريين


هناك تعليقان (2):

بلال حسنى يقول...

تانى
مورناش غيرك
افرض واحد خواجة بيتعلم عربي جديد وراح معدى على مدونتك
يبقى حلو لمايبشوف المناظر دى
بلاش
اناعملت فحوصاتى للصور
ولاقيت انها متركبه للاسف
انت بتسيء لسمعة الزباله
يووووه
اقصدى بتسء لسمعة مصر
انت مش ممكن تبقى حزب وطنى
ابدا
انااسكندرانى زيك وباروح تقريبا كل يوم استانلى ال انت مصور فيها الكوم ده ال على اول شارع المعسكر الرومانى
اقولك اصل الحكايه
لانى ليا اوحد صاحبي بيشتعل فى جمعيه لرعاية اطفال الشوارع
اطفال الشوارع لما بيحبوا يتفسحوا او يغيروا جو بيروحوه يقعدو عند كوام الزباله هناك منها نومه بحرى
ومنها انهم ياكلو من الزباله ال هناك لان اغلبها بيبقى بقايا اطعمه ووجبات مكملتش بالذات لو كان الزبون ال بيجى كنتاكى او ماك ولد وبنت مايصين بيسبوا نص الاكل ال طلبوه
الاطفال بتتغذى على الوجبات دى
فبيقلبوه الصندوق

اعتقد ال بنقلهولك ده اسوأ بكتير من فكرة وساخة خارجيه للبنى ادمين هنا
احنا عندنا قسوة رهيبه ومش بنحس بعض
بعدبن نرجع نفول هو ليه فيه التوربينى واتوجد ازاه سفاح

ارجوك
بلاش تسيء لسمعه مصر وزبالتها
اعتبر نفسك فى ديزنى مصر
مدينه كرتونيه
!
المرة ال فاتت قلتى معندكش اخوات بنات
كنت عايز اردعك عن فعلتك الانحلاليه
دلوقتى هسالك
انت معندكش اخوات محافظه او وزيرة
ترضي اختك تشوف ده
ترضاها

حرام عليك

غير معرف يقول...

والله يا بلال كلامك حكم طريها بقى يا منير انت معندكش اخت وزيرة او مسئولة يا أخى وبعدين انا قريتها فى الفقرة الطبية فى صباح الخير يا أم نيبل ان الواحد لازم يشوف زبالة فى كل حته و هو رايح الشغل عشان ميشتغلش بزمة و نفضل زى محنا
حسبى الله و نعم الوكيل