الثلاثاء، مايو 01، 2007

Happy Birth Day

Happy Birth Day





سيدي الرئيس في عيد ميلادك الكام وسبعين كل سنة وأنت طيب واحنا مش طيبين كل سنة وأنت حاكم واحنا محكومين واحنا مظلومين واحنا متهانين ويا ترى يا حبيب الملايين فاكرنا ولا احنا خلاص منسيين فاكر المعتقلين فاكر الجعانين فاكر المشردين فاكر اللي ماتو محروقين فاكر الغرقانين الله يكون في عونك - هاتفتكر مين وللا مين للاحلى ريس فى الدنيا كلها



و احب اهدى لفخافتك اغنية للمناسبه السعيدة


طاطى راسك طاطى طاطى انت فى وطن ديموقراطى انت بتنعم بالحرية بس بشرط تكون مطاطى لما تكون شغال بذمة خايف على مصلحة الامة شغلك يطلع من غير لازمة علشان مبيعلاش غير واطى لما حاميها يكون حراميها وبلاده ورا ضهره رميها طالع نازل واكل فيها مسنود بالبدلة الضباطى لما شقاك يصبح مش ليك فقرك سد السكة عليك تتلفت تلاقى حواليك اما حرامى واما مطاطى طاطى راسك طاطى طاطى انت فى وطن ديموقراطى