الثلاثاء، فبراير 27، 2007

free kareem store



























يلا فتحنا الاوكازيون يلا يا ابو رانيا يلا يا ام حماده اشترى تشيرت لحمادة علموه مسانده حرية الرأى من صغره ادخلوواتفرجوا عندنا كل المقاسات والاستايلات يلا ساندوا الحمله ادعموا كريم بعد ما اتسجن يلا كبروا الموضوع من بعد مكان مجرد بلوج عالنت خلوها حمله كبيره كبروا الموضوع خلوهم يدافعوا عنه بعد ما سجناه علشان بيتكلم مجرد ان
بيعبر عن رايه اتسجن اربع سنين؟؟؟
للاسف انا مضطر اتضامن معاه وهتضامن مع كل سجناء حرية التعبيرعن الرأى فى مصر والعالم كله
كريم كان مجرد مدون بيكتب فى حاله محدش كان يعرف بيكتب ايه دلوقتى اصبح بطل يلا افرحوا بالحكم وافرحوا ببطل حرية الراى فى مصر الطالب المصرى عبد الكريم نبيل سليمان اتسجن علشان بيعبر عن اراءه على النت 4 سنين علشان شوية كلام فى الهوا
4 سنين علشان بيفكر 4 سنين علشان افتكر انه انسان حر بيتكلم بحريه
كريم كان عارف ان فى تضامن معاه من بره بس معرفش هل ده هيفيده ولا لا
انا اعتقد ان هيه كان لعبه كلنا لعبناها
كريم لعبها واتسجن و حصل على تعاطف
و الحكومه لعبتها ومررت تهمة اهانه الرئيس
والشعب ضحك على نفسه واقنع نفسه ان كده بيدافع عن الاسلام
واوربا تضامنت مع كريم و مصر اصبحت بلد مفيهوش حريه
وتضامنى مع كريم خسرنى احترام ناس كتير(مش مهم)
لعبه ممله انا زهقت منها
ايه مقررتش تشترى حاجه ولا ايه؟
انا خلاص هقفل فوت علينا بكرة وفى حاجات جديده نازله الاسبوع ده
و عليكم السلام ورحمة الله