الأحد، فبراير 25، 2007

يوم اسود فى تاريخ الحرية

يوم اسود فى تاريخ الحرية












فى يوم 22-2- 2007 تم الحكم على المدون المصرى عبد الكريم نبيل سليمان بالحبس 4 سنوات معى الشغل بتهمتين

الاولى: 3 سنوات بتهمه ازدراء الاديان واهانه الدين الاسلامى

الثانيه: بتهمه اهانه رئيس الجمهوريه

رغم ان الحكم كان متوقعا ولكنه كان صدمه لنا جميعا لان منصة القضاء كانت الامل الاخير فى معركة الحرية مع النظام المصرى ولكن يبدو ان كلام البعض صادقا ان "القرار جاى من فوق" يعنى مفيش فايده


المشكله ان القضية دى لم تجد تعاطف لان القضيه بطبيعتها بتمس حاجه مقدسه لدى المجتمع المصرى وهو الدين ولان القضيه فيها ازدراء دين اسلامى يبقى عمر ما عبد الكريم هيلاقى تعاطف وفيه ناس كتيير اتعاطفت مع الفكره بس لما قرأوا مقالات عبد الكريم غيروا رأيهم كون ان عبد الكريم غلطان ام لا دى حاجه انا مختلفش عليها مع حد بس الفكره هو غلط فين؟؟


حد هيقولى مش هتفرق بس انا هقوله لا هتفرق المكان اللى"عبد الكريم " كتب مقالاته مكان المفروض ميكونش عليه قيود انا مش مع السب اطلاقا ومش مع ازدراء اى دين او عقيده بس كمان الفكر لا يحارب الا بالفكر عمر مكان محاربة الاراء بالقتل او الحبس او وسيله غير متحضره الرسول (صلى الله عليه وسلم)كان الكفار واليهود بيئذوه و عمرى ما سمعت عن انه قتل حد او اذى حد منهم بالعكس ده راح يزور جاره اليهودى لما محطش الزباله عند بيته ولقاه مريض والجار اليهودى أسلم بالطريقه الحسنه فى المعامله

انا مش فاهم ليه كل الحماس ده فى محاولة القمع المسلمين حولوا دينهم من دين للاعمارلدين للهدم والقمع كنايس وعايزين يحرقوها ويكسروها وهمجيه فى التعامل وسلوك سيئ هما اكتر ناس بيوصلوا الصوره السيئه عن الاسلام لاسف كل طاقتهم اصبحت موجهه للهدم بدلا من البناء والحوار ونشر الفكر وعايزين بعد كده الناس تحب دينهم طب ازاى؟؟ صحيفه دانماركيه اساءت للرسول(ص) عايزين يحاربوا الدانمارك كلها

وتكسير للسفارات وتخريب فى الممتلكات سلوك همجى جدا وبعدين انا مش فاهم يعنى طالب عنده 22 سنه كتب شوية اراء على النت يتحبس اربع سنين؟؟؟ ازاى؟؟هوه ده التعليم والتربيه هى دى الحريه؟؟ وبعدين يعنى الاسلام انتصر كده؟؟خلاص

المسلمين هيستعيدوا امجادهم؟؟مصر اللى بيجيلها الطلاب من كل انحاء العالم يتعلموا فى الازهر فشلت فى التحاور مع طالب؟؟؟

مش فاهم هوه ده السبيل الوحيد؟اللى هيعبر عن رأيه هيتحبس؟؟اللى هيفتح بقه هيروح ورا الشمس؟؟

وبعين دين ايه اللى انتوا شايفين انكوا بدافعوا عنه؟؟ هوه كده الدفاع عن الدين؟؟خلاص الاسلام واقف على عبد الكريم؟

الاسلام انتصر فى كل بقاع الارض؟ المسلمين عايشين حياه سعيده معندهمش فقر ولا حروب ولا مجاعات؟؟فى فوق 3 مليار واحد فى العالم بيلعنوا ويسبوا فى الاسلام فى العالم يلا روحوا احبسوهم ولا اقتلوهم اسهل مانتوا خلاص بقيتوا جزارين وجلادين حبس وقتل وقمع هى دى الاهداف الساميه للاسلام يلا يا مسلمين نفذوها وبلاش العلم والتفكير حاصروا كل مواقع النت علشان محدش يشتم و كمان حطوا حرس على قلوب وعقول كل الناس علشان محدش يفكر انه يشتم

لو كانت دى هيه مبادئ واهداف الاسلام انا كنت سيبته من زمان بس انا اتعملت انه الاسلام دين التسامح والسلام والامن والامان والاسلام لم ينشر بحد السيف كل ده انا اتعلمته من صغرى علشان كده انا مسلم وفهمت حقيقه الاسلام السمحه الحقيقه

وشوية الناس والانظمه اللى بيدعوا الاسلام بقولهم يبقوا يروحوا بقى ينقذوا المسجد الاقصى من الاسرائيلين لو كانوا يقدورا ولا يرحوا يتشطروا على امريكا اللى بتقتل كل يوم دستهه مسلمين فى العراق ولا روسيا ومجازرها فى الشيشان

لا خلاص عبد الكريم اصبح خطر على الاسلام الاسلام الدين اللى مستمر من 14 قرن اصبح خطر على الاسلام المقالات بتاعته اصبحت خطر على مصر والشباب المصرى عقله صغي لدرجه انه ممكن يقتنع بتفاهات بيكتبها شاب مراهق

شوية التفاهات دى والكلام الفارغ ده اصبح بيانات من شانها تكدير الامن العام احنا بنحاسب الناس على فكرها مش على فعلها الكلام الفارغ اصبح بيشكل خطر الفكر مهما كان اصبح خطر
خلاص اللى بيتكلم يبقى يعمل حاجه للاسلام الاول
عبد الكريم فى البدايه كنت بعتبره شخص متخلف بعد ما اتقبض عليه اتعاطفت معاه بس مش عارف ليه بعد الحكم حاسس انه اصبح بطل
عملوا منه بطل انا كان نفسى يبقى البطل شخص احبه مش ملحد بس ده مبدأ عبد الكريم بطل اتسجن علشان رايه

الموضوع اصبح مشكله بالنسبه لى كريم شوفته فى الحلم كان خرج من السجن –معرفش ازاى- وكان تقريبا عايز يقولى انتوا اتخليتوا عنى علشان انا مقلتش كلام يعجبكم

للاسف ملاحظتش ان فيه حد اتحاور مع كريم كل الردود على مقالاته كانت شتايم- يعنى اللى مش لاقى حاجه يقولها بيشتم-

منتهى التخلف و الجهل والغباء محدش قدر يحاور ويتناقش معاهرغم ان الكلام اللى كتبه كلام اهبل وفكرت فيه قبل كده وكله ليه اجابات عندى علشان كده ما اهتمتيش بس بعد الحبس الموضوع اختلف المساله ليها بعد تانى الحكومه اكيد مش عايزه تدافع عن الدين-وسى حسنى مبارك اللى اعطى جون ابى زيد قائد القوات الامريكيه السابق فى العراق وسام-واللى بيسرقنا من 25 سنه

اكيد مش بيهتم للاسلام والحكومه بتاعت الاغتصاب والتعذيب اكيد مبتهتمش للاسلام ولا الازهر اللى الشيخ بتاعه بايع مبارك للرئاسه على اساس انه امير المؤمنين مش بيهتم للاسلام يبقى كريم اتحبس ليه؟؟ بعدين فى ميت واحد غير كريم شتموا فى الاسلام اشمعنى كريم؟؟؟وبعدين انا شايف ان كريم مبيشتمش فى الاسلام انا شايف انه بيفكر بصوت عالى ولازم يفكر حتى فى الدين علشان يوصل للحقيقه مش هيه دى القصه الناس عمرها ما هتفكر علشان كده هتفضل متخلفه ولا بيفهوا لا فى دين ولا غيره

تغطيه ليوم الجلسه

يبقى كريم اتحبس لانه محدش هيتعاطف معاه ولانه قضيته عمرها ماهتبقى قضيه راى عام

يعنى فرصه لمحاوله اصدار احكام لتقييد الحريه من غير ما حد ياخد باله

فرصه يعنى تقييد الحريه بمزاج الشعب ومحدش هياخد باله من حكايه اهانه الريس دى علشان معاها ازدراء اديان يعن حاجه كده فى الخباثه شوفتوا حكومتنا الرشيده بتفكر ازاى؟؟


22-2-2007 فى حوالى الساعه9 وصلت محكمه محرم بك وعلى عكس ما توقعت وجدت حشد اعلامى كبير وعدد كبير من الصحفيين والمهتمين بالقضيه


فى البدايه لم نجد اسم عبد الكريم فى الكشوفات ولكن بعد فتره تم تعليق ورقه بها الاحكام وكان اسم عبد الكريم احد الاسماء دخلت القاعه فى بدايه الجلسه بناء على رغبه مالك-علشان لو الحكم جه اقولهم لانهم كانوا واقفين بره- بعد فتره تجاوزت الساعتين تم النطق بالحكم وسط ضجيج ناتج عن الحشد الكبير بالقاعه
























علاء كان هدف الاعلام بعد الجلسه
















علاء للجزيره



















ومالك لبرنامج العاشره مساء


بعد هذا تجمع الصحفيين لاخذ اللقاء
ات مع المدونين ثم نزلت لاجد تجمع اكبر من الناس و القنوات وحدثت مشادات كلاميه بين عدد من المدونين وبعض الماره المتجمهرين امام المحكمه وسمعت كلام عن ان الاسلام مفيهوش وجهات نظر وحاجات من هذا القبيل خلال كل ده لاحظت ان الناس مش متعاطفه مع عبد الكريم ولاحظت بعض الاراء المتطرفه فقد نادى البعض باعدامه

!!! ورجمه بعد الاستتابه



























مالك فى مناقشه حاده مع بعض التواجدين امام المحكمه





وركز الاعلام على شخص يدعى ياسر متولى قال انه جار عبد الكريم وحكى على انه تناقش مع عبد الكريم ساعه الا ربع وفشل فى اقناعه















ياسر متولى- بيتكلم للاعلام


وقال انه الحكم بسيط ومخفف واتهم كريم انه بيتم تمويله من الخارج وقال حاجاتعلى انه كان بيبقى معاه فلوس كتيير و بيروح اماكن غاليه تمنها ميقدرش عليه وان منظمات حقوق الانسان هيه اللى ساعدته على الفساد وحكى عن الدوافع النفسيه ليه للبحثعن الشهرة بعد فشله فى كلية العلوم وانه بيبحث عن الشهره بعد فشله لانه بيغير من اخواته وبيتنافس معاهم وعايز يعمل فرقعه اعلاميه على حسب تعبيره وحكى انه والده طلب من الامن انه يشد عليه علشان يرجع عن تفكيره وان منظمات حقوق الانسان اللى وقفت جنبه هيه اللى خلته يثبت على انحرافه وان كريم كان ضحيه فى صغره بس لما كبر اصبح مسئول عن نفسه وانه بدء يفسد من ساعة ما راح القاهره واسيوط وبعد عن اهله واتكلم على ان التعاطف معاه فى اوروبا ده لانه بيشتم فى الاسلام لكن لو كانت الحاجه دى مع الاسلام محدش كان هيتعاطف واستدل بموضوع وفاء قسطنطين وقال ان الحل هو حجب المواقع زى ما بيحصل فى السعوديه وتدخل بعض المتجمهريين فى الحوار اتكلموا عن فساد الشباب و تهميش الدين فى التعليم وان دى جنايه وليست جنحه ويجب ان يكون مقرها محكمه الجنايات و ان الشباب سطحى والنت هوه سبب الفساد

بس فيه ناس قالت ان دى قضيه فكريه ساحه المحاكم مش مكان لده وده كان راى ناس كتيير من المتعاطفين مع القضيه بعد كده مشى عدد كبير من الناس وانتظرت مع بعض الصحفيين والمراسلين والمتعاطفين- وبعض الحشريين اللى مش فاهمين ايه اللى بيحصل وعايزين يتفرجوا ويطلعوا فى التليفزيون-و بعد انتظار مده ليست قليله وذل من رجال الامن اتى عبد الكريم من داخل الجراج ويبدو عليه علمات الضرب بسبب احمرار وجهه ثم تم دفعه الى داخل العربه وسط صيحات وتكبيرات من قبل المحامى الل كان ضد كريم














فى انتظار عبد الكريم وتحدى للامن

















المحامى اياه فى خطبه جديده


وكأن الاسلام انتصر فى معركته مع الكفر وبسقوط كريم انتهى الشر من الارض وبعدها قام نقيب – النقيب ده بيكره كريم لانه فى الجلسه قبل الاخيره كان قاعد ورايا وكان دايما بيشتمه - بضربه صدر بعده صيحه الم من كريم لدرجه ان جسدى اقشعر لذا سقطت الكاميرا من يدى الما وحسره انا اعلم ان الحبس قانونى وبحكم محكمه لكن الضرب؟؟؟ والبجاحه انه تم امام عدسات الكاميرات انا اتعاطفت معاه اكتر لما تخيلت كمية التعذيب اللى بيتعرض له لمجرد انه بيفكر يعنى مازاش حد




وفيما يلى:منطوق الحكم
بعد الإطلاع علي الأوراق وما تم فيها من تحقيقات وتعديل قيد ووصف الاتهام باستبدال المادة 98 ( و ) ، المادة 102 مكررا بالمادة 176 ع من ذات القانون إلي مواد القيد ، ووصف الاتهام بان المتهم في غضون عام 2006 بدائرة قسم محرم بك محافظة الإسكندرية

أولا : حرض بالكتابة علي شبكة الإنترنت علي بغض طائفة المسلمين وازدراءها بان وصف فيها الرسول وصحابته بأنهم سفاكي دماء وكان من شأن هذا التحريض تكدير السلم العام

ثانيا : أهان بالكتابة علي شبكة الإنترنت شخص رئيس الجمهورية بأن وجه إليه الألفاظ والمبينة بالأوراق .

ولذلك

حكمت المحكمة حضوريا

أولا : بمعاقبة المتهم عبد الكريم نبيل سليمان بالحبس لمدة ثلاث سنوات مع الشغل والنفاذ لما نسب إليه من اتهام عن التهمة الأولي ومعاقبته بالحبس لمدة سنة لما نسب إليه من اتهام عن التهمة الثانية وألزمته بالمصاريف الجنائية

ثانيا : عدم قبول الادعاء المدني لانقضاء الصفة وألزمت المدعي بالحق المدني بمصروفات الدعوي المدنية ومبلغ خمسون جنيها مقابل أتعاب المحاماة


انتهى المولد وانفض و فى انتظار الاستئناف اللى اتقدم يوم السبت





هناك 4 تعليقات:

غير معرف يقول...

YA SALAM YA 3AM ,WA N3M EL R2Y HOWA 3LASHN EL EL SH7'AS DA ELY ESMO 3ABD EL KREAM SHTAM WE SAB EL SA7BA WEL RASOL INTA KEDA B2ET M3HA 3LASHN HOWA SA7BAK ,, WE N3AM EL ESLAM ,,, YA 3AM EGRY BLA HABAL

mido1988 يقول...

يا ...
اولا: عبد الكريم مش صاحبى
ثانيا: ان فدى الرسول وصحابته بس الرسول عمر مكان بحارب الناس اللى بتتكلم
ثالثا:محاربة الفكر لا تتم الا بالفكر يعنى لو واحد شتمك اكيد مش هتروح تقتله فى حاجه اسمها تحاور ومناقشه مش قمع وحبس
القضايا الفكريه عمر ما يكون مكانها ساحات المحاكم
رابعا:االمشكله مش عبد الكريم والكلا الفارغ اللى بيكتبه المساله مساله مبدا مش علشان انت ضده يبقى يتحبس علشان بيتكلم بسش
اتمنى تكون قدر الفكره

Egypt Camira يقول...

احييك على التغطية الهايلة والصور واحترم رأيك بشدة

Unknown يقول...

餐飲設備 製冰機 洗碗機 咖啡機 冷凍冷藏冰箱 蒸烤箱 關島婚禮 巴里島機票 彈簧床 床墊 獨立筒床墊 乳膠床墊 床墊工廠 產後護理之家 月子中心 坐月子中心 坐月子 月子餐 銀行貸款 信用貸款 個人信貸 房屋貸款 房屋轉增貸 房貸二胎 房屋二胎 銀行二胎 土地貸款 農地貸款 情趣用品 情趣用品 腳臭 長灘島 長灘島旅遊 ssd固態硬碟 外接式硬碟 記憶體 SD記憶卡 隨身碟 SD記憶卡 婚禮顧問 婚禮顧問 水晶 花蓮民宿 血糖機 血壓計 洗鼻器 熱敷墊 體脂計 化痰機 氧氣製造機 氣墊床 電動病床 ソリッドステートドライブ USB フラッシュドライブ SD シリーズ